Xorvatiya terma jamoasi va Londonning “Chelsi” klubi yarim himoyachisi Mateo Kovachichga Italiya chempionatida talab katta. Jurnalistlar xabariga ko‘ra, 28 yoshli futbolchini "Inter" o‘z safiga qo‘shib olmoqchi.
"Neradzurrilar" yozgi mavsumda Kovachichni qo‘lga kiritishga harakat qilishadi. Potensial kelishuv summasi taxminan 40 million yevroni tashkil qilishi mumkin.
Mateo 2019 yildan buyon londonliklar safida o‘ynab kelmoqda. Angliya chempionatining joriy mavsumida yarim himoyachi 21 o‘yin o‘tkazib, bitta gol urdi va golli uzatmani amalga oshirdi.