Хорватия терма жамоаси ва Лондоннинг “Челси” клуби ярим ҳимоячиси Матео Ковачичга Италия чемпионатида талаб катта. Журналистлар хабарига кўра, 28 ёшли футболчини "Интер" ўз сафига қўшиб олмоқчи.
"Нерадзуррилар" ёзги мавсумда Ковачични қўлга киритишга ҳаракат қилишади. Потенциал келишув суммаси тахминан 40 миллион еврони ташкил қилиши мумкин.
Матео 2019 йилдан буён лондонликлар сафида ўйнаб келмоқда. Англия чемпионатининг жорий мавсумида ярим ҳимоячи 21 ўйин ўтказиб, битта гол урди ва голли узатмани амалга оширди.