"Manchester Siti" bosh murabbiyi Xosep Gvardiola klub Angliya chempioni bo‘lishini istisno etmayapti.
"Agar ochko yo‘qotsak, "Arsenal" muddatidan avval chempion bo‘ladi. Agar biz g‘alaba qozonishda davom etsak, mavsum oxirida chempion bo‘lishimiz mumkin. Jamoamiz bunga ko‘nikib qolgan, muammo emas. Biz shunchaki o‘yinlarimizda g‘alaba qozonishimiz kerak", - deya Gvardiola so‘zlarini keltiradi City Xtra.
"Manchester Siti" APL turnir jadvalida "Arsenal"dan 8 ochko ortda qolib, 2-o‘rinda bormoqda.
8 aprel kuni Gvardiola shogirdlari safarda “Sautgempton” bilan o‘ynaydi, “Arsenal” esa 9 aprel kuni “Liverpul”ni qabul qiladi.
