Xabar qilinishicha, «Liverpul» «Vulverxempton» yarim himoyachisi Mateus Nunesga qiziqish bildirmoqda.
O‘tgan yozda «Sporting Lissabon»dan 38 million funt sterling evaziga «bo‘rilar» safiga qo‘shilgan futbolchiga «qizillar» anchadan beri bog‘lanayotgan edi.
Nunes Premyer-ligadagi 25 o‘yinining 22 tasida «bo‘rilar» safida muntazam maydonga tushdi. Ayni damda Nunesning 2027 yilning iyunigacha shartnomasi bor, biroq uning yaqin kelajakda Angliyadan ketishi mumkinligi haqida taxminlar bor.
Football Insider xabariga ko‘ra, «qizillar» Nunesni yaqinlashib kelayotgan transfer oynasida «Enfild»ga olib kelish uchun potensial kelishuv ustida ishlamoqda.
Ma’lumot uchun, «qizillar» Premyer-liga turnir jadvalida 9-o‘rinni egallab turibdi va ular yakshanba kuni liga peshqadami «Arsenal» bilan to‘qnash kelishga hozirlik ko‘rmoqda.