«Manchester Siti» «Byornli» bosh murabbiyi Vensan Kompani muvaffaqiyatiga munosabat bildirdi. Belgiyalik mutaxassis jamoani muddatidan avval Chempionshipdan Premyer-ligaga olib chiqdi.
40-tur doirasida «Byornli» «Midlsbro» ustidan qozonilgan g‘alabani nishonladi (2:1) va 87 ochko bilan uchinchi o‘rindagi «Luton»dan ancha farq bilan o‘zib ketdi.
«Seni qaytganing bilan tabriklayman», — deyiladi shaharliklarning ijtimoiy tarmoqdagi postida.
Eslatib o‘tamiz, Kompani futbolchi bo‘lganida 2008 yildan 2019 yilgacha «Manchester Siti»da o‘ynagan. Belgiyalik futbolchi jami 265 ta o‘yin o‘tkazib, 18 ta gol urishga muvaffaq bo‘lgan.
