«Манчестер Сити» «Бёрнли» бош мураббийи Венсан Компани муваффақиятига муносабат билдирди. Бельгиялик мутахассис жамоани муддатидан аввал Чемпионшипдан Премьер-лигага олиб чиқди.
40-тур доирасида «Бёрнли» «Мидлсбро» устидан қозонилган ғалабани нишонлади (2:1) ва 87 очко билан учинчи ўриндаги «Лутон»дан анча фарқ билан ўзиб кетди.
«Сени қайтганинг билан табриклайман», — дейилади шаҳарликларнинг ижтимоий тармоқдаги постида.
Эслатиб ўтамиз, Компани футболчи бўлганида 2008 йилдан 2019 йилгача «Манчестер Сити»да ўйнаган. Бельгиялик футболчи жами 265 та ўйин ўтказиб, 18 та гол уришга муваффақ бўлган.