Франция терма жамоаси ярим ҳимоячиси Майкл Олисе Мюнхеннинг «Бавария» клуби раҳбариятига на ўзи, на унинг вакиллари Мадриднинг «Реал» клуби билан трансфер бўйича музокара ўтказмаганини маълум қилди.

Бундан олдинроқ, «қаймоқранглилар» ҳам ўз томонидан расмий баёнот билан чиқиб, ОАВни ушбу футболчининг эҳтимолий трансфери атрофида турли уйдирма ва миш-мишларни тарқатишни тўхтатишга чақирган эди.

Sky Sport журналисти Флориан Плеттенбергнинг хабар беришича, Олисе бу мавзуда ҳеч ким билан ҳеч қандай учрашув ёки яширин суҳбатлар ўтказмаган.

Матбуотда тарқалган норасмий хабарларга кўра, «Реал Мадрид» франциялик юлдуз учун «Бавария»га 150 миллион евролик даҳшатли маблағ таклиф қилган. Кишини ҳайратга соладиган томони шундаки, 24 ёшли футболчининг Transfermarkt порталидаги айни пайтдаги расмий бозор қиймати ҳам айнан мана шу суммани ташкил этади.