Myonxengladbaxning "Borussiya" klubi hujumchisi Markus Tyuram bir qator klublarning qiziqishlariga sababchi bo‘lmoqda. Tuttomercatoweb xabariga ko‘ra, fransiyalik futbolchining Angliya Premyer-ligasida "Nyukasl" va "Aston Villa"ga o‘tish imkoniyatlari bor.
Eslatib o‘tamiz, avvalroq Tyuram yozda “Inter”ga o‘tishni rad etgandi. Futbolchi mavsum oxirida erkin agentga aylanadi va yangi klubiga tekinga o‘tishi mumkin.
Fransuz Bundesliganing joriy mavsumida 12 ta gol urdi va 3 ta golli uzatmani amalga oshirdi. Markus jahon chempionatiga ham bordi va u yerda Fransiya terma jamoasi safida ikkita golli uzatmani amalga oshirdi.
