Superliga 5-turi doirasida “So‘g‘diyona” klubiga qarshi o‘yinda durang qayd etgan “Metallurg” klubi ustozi Vesko Steshevich safarda kuchli raqibga qarshi bir ochko yaxshi natija ekani, Boshkovich yaxshi jamoani qabul qilib olgani, xatolar va durang adolatli natija bo‘lgani haqida gapirdi.

“Yaxshi jamoaga qarshi safarda ochko oldik. Boshkovich yaxshi jamoani qabul qilib oldi. O‘ylaymanki, jamoa u bilan yaxshi natijalar ko‘rsata oladi”, - dedi murabbiy.

“Bugun g‘alaba qozonib 3 ochko ishlab olishimiz ham mumkin edi. Ammo, kutilmagan xatolar evaziga ikkita gol o‘tkazib yubordik. Yaxshi o‘yin ko‘rsatib hisobda oldinda borayotgan edik, ammo, biroz muddatga diqqatimizni yo‘qotib yana gol o‘tkazib yubordik.”