Суперлига 5-тури доирасида “Сўғдиёна” клубига қарши ўйинда дуранг қайд этган “Металлург” клуби устози Веско Стешевич сафарда кучли рақибга қарши бир очко яхши натижа экани, Бошкович яхши жамоани қабул қилиб олгани, хатолар ва дуранг адолатли натижа бўлгани ҳақида гапирди.

“Яхши жамоага қарши сафарда очко олдик. Бошкович яхши жамоани қабул қилиб олди. Ўйлайманки, жамоа у билан яхши натижалар кўрсата олади”, - деди мураббий.

“Бугун ғалаба қозониб 3 очко ишлаб олишимиз ҳам мумкин эди. Аммо, кутилмаган хатолар эвазига иккита гол ўтказиб юбордик. Яхши ўйин кўрсатиб ҳисобда олдинда бораётган эдик, аммо, бироз муддатга диққатимизни йўқотиб яна гол ўтказиб юбордик.”