«Manchester Siti» bosh murabbiyi Xosep Gvardiola hujumchi Erling Xolandning jamoa muvaffaqiyatiga qo‘shgan hissasi haqida gapirdi.

Norvegiyalik futbolchi APLning bugungi uchrashuvida «Sautgempton» darvozasiga ikki marta gol urdi (4:1).

«O‘ylashimcha, bizning xo‘jayinlarimiz Xolandni aynan shunday o‘yin uchun sotib olishgan: jamoa eng yaxshi o‘yinni ko‘rsatmagan payti u borib gol uradi.

U bu qobiliyatga ega. Birinchi bo‘lim unchalik muvaffaqiyatli o‘tmadi, lekin Erling hammasini ostin-ustun qildi.

Uning ikkinchi goli ham ajoyib bo‘ldi. Biz Messi va Ronalduning gol urishini yigirma yil davomida kuzatdik, hozir esa Erling ular bilan bir xil darajada – u doimo gol uradi», — deya Gvardiolaning so‘zlaridan iqtibos keltiradi BBC.