«Манчестер Сити» бош мураббийи Хосеп Гвардиола ҳужумчи Эрлинг Холанднинг жамоа муваффақиятига қўшган ҳиссаси ҳақида гапирди.
Норвегиялик футболчи АПЛнинг бугунги учрашувида «Саутгемптон» дарвозасига икки марта гол урди (4:1).
«Ўйлашимча, бизнинг хўжайинларимиз Холандни айнан шундай ўйин учун сотиб олишган: жамоа энг яхши ўйинни кўрсатмаган пайти у бориб гол уради.
У бу қобилиятга эга. Биринчи бўлим унчалик муваффақиятли ўтмади, лекин Эрлинг ҳаммасини остин-устун қилди.
Унинг иккинчи голи ҳам ажойиб бўлди. Биз Месси ва Роналдунинг гол уришини йигирма йил давомида кузатдик, ҳозир эса Эрлинг улар билан бир хил даражада – у доимо гол уради», — дея Гвардиоланинг сўзларидан иқтибос келтиради BBC.
