“Atletiko” futbolchisi Rodrigo de Paul o‘zini boshqa chempionatda sinab ko‘rishi mumkin. Bu haqda Todofichajes sahifalarida xabar berilgan.

Manbaga ko‘ra, argentinalik futbolchi faoliyatini Angliya va Italiyada davom ettirish imkoniyatlari bor. De Paulga “Tottenxem”, “Liverpul”, “Yuventus” va “Inter” klublari da’vogarlik qilmoqda.

Shu bilan birga, “matraschilar” 28 yoshli yarim himoyachini yaqin orada sotishni rejalashtirmayapti. Rodrigoning madridliklar bilan shartnomasi 2026 yilning o‘rtalariga qadar amal qiladi. Uning transfer narxi 40 million yevro.