"Chelsi"ning qanot hujumchisi Hakim Ziyesh faoliyatini Londonning boshqa klubida davom ettirishi mumkin.
Football Insider xabariga ko‘ra, "Tottenxem" marokashlik vingerni sotib olmoqchi. "Shporlar" rahbariyati afrikalik futbolchini sotib olish uchun 20 million yevro ajratishga tayyor.
Avvalroq matbuotda Ziyeshga Fransiyaning "PSJ" klubidan qiziqish borligi haqida xabarlar tarqalgan edi.
Hakim "Chelsi"da 2020 yilning yozidan buyon to‘p suradi. Futbolchining “aristokratlar” bilan tuzilgan mehnat shartnomasi 2024/2025 yilgi mavsum oxirigacha hisoblangan.
Premyer-liganing joriy mavsumida marokashlik futbolchi 13 ta o‘yinda maydonga tushib, golli uzatmani amalga oshirgan.