"Челси"нинг қанот ҳужумчиси Ҳаким Зиеш фаолиятини Лондоннинг бошқа клубида давом эттириши мумкин.

Football Insider хабарига кўра, "Тоттенхэм" марокашлик вингерни сотиб олмоқчи. "Шпорлар" раҳбарияти африкалик футболчини сотиб олиш учун 20 миллион евро ажратишга тайёр.

Аввалроқ матбуотда Зиешга Франциянинг "ПСЖ" клубидан қизиқиш борлиги ҳақида хабарлар тарқалган эди.

Ҳаким "Челси"да 2020 йилнинг ёзидан буён тўп суради. Футболчининг “аристократлар” билан тузилган меҳнат шартномаси 2024/2025 йилги мавсум охиригача ҳисобланган.

Премьер-лиганинг жорий мавсумида марокашлик футболчи 13 та ўйинда майдонга тушиб, голли узатмани амалга оширган.