Diyego Simeone "Atletiko"ning La Ligada ikkinchi o‘rinni egallash imkoniyatlarini baholadi.

Madridliklar bosh murabbiyi “Rayo Valyekano”ga (2:1) qarshi o‘yindan so‘ng o‘z fikrlarini bildirib o‘tdi.

“Men faqat “Almeriya”ga qarshi bo‘lajak o‘yin haqida o‘ylayman. Lekin birinchi navbatda Turkiyada "Beshiktosh"ga qarshi zilziladan keyin ko‘plab odamlarga yordam berish uchun o‘rtoqlik o‘yinini o‘tkazamiz.

Bizga ham yordam kerak. Oxirigacha kurashamiz. Biz nimaga loyiq ekanligimizni taqdir hal qiladi. Oldinda hali o‘n tur bor va ko‘plab ochkolar jamg‘arsak bo‘ladi", - dedi Simeone.