"Chelsi" yarim himoyachisi Kallum Xadson-Odoi yaqin kelajakda o‘z klubini butunlay o‘zgartirishi mumkin. Eslatib o‘tamiz, ayni damda ingliz futbolchisi Leverkuzenning "Bayer" klubida ijara asosida to‘p surmoqda.
Jurnalist Fabrisio Romanoning xabar berishicha, Xadson-Odoining "Chelsi"dagi kelajagi yangi murabbiy va Kallum uning kelajak rejalarining bir qismi bo‘ladimi yoki yo‘qligiga bog‘liq. Futbolchining "Chelsi" bilan shartnomasi tugashiga bir yildan sal ko‘proq vaqt qoldi. Rahbariyat angliyalikni tekinga yo‘qotmoqchi emas, shuning uchun kerak bo‘lsa, keyingi yozda uni sotishadi.
Xadson-Odoi joriy mavsumda liganing 14 o‘yinida 1 ta golli uzatmani amalga oshirdi.
