Madridning “Real” klubi bosh murabbiyi Karlo Anchelotti YECHL chorak finalida “Inter” hamda Lissabonning “Benfika” jamoalari o‘rtasidagi bo‘lajak qarama-qarshilik haqida fikr bildirdi.

"Qog‘ozda "Benfika"da imkoniyat ko‘proq. Lissabon klubi Chempionlar ligasida juda yaxshi o‘ynamoqda. "Inter"ga kelsak, "neradzurrilar" A seriyadagi muvaffaqiyatsizliklarning o‘rnini Chempionlar ligasidagi muvaffaqiyatli o‘yini bilan to‘ldirishi mumkin", - degan italiyalik mutaxassis.

"Benfika" va "Inter" o‘rtasidagi ilk uchrashuv ertaga, 11 aprel kuni Lissabonda bo‘lib o‘tadi. Raqiblar keyingi hafta, aniqrog‘i 19 aprel kuni Milanda javob o‘yinini o‘tkazishadi.