Ispaniyalik mutaxassis Rafael Benites Brendan Rojersning o‘rniga "Lester" bosh murabbiyi bo‘la olmaydi, deb xabar bermoqda Sky Sports.
Nashrning yozishicha, Angliya Premyer-ligasi klubi rahbariyatining Benites bilan muzokaralari hech qanday natija bermagan, tomonlar kelishuvga erisha olishmagan.
Britaniya OAVlari bu vaziyatda "tulkilar" bosh murabbiyi etib Din Smitga ishonch bildirishdan boshqa iloji yo‘qligiga amin bo‘lishmoqda. "Aston Villa"ni Premyer-ligaga olib chiqqan murabbiy o‘tgan yilning dekabrida "Norvich" tomonidan ishdan bo‘shatildi. U bilan shartnoma mavsum yakuniga qadar tuziladi, Kreyg Shekspir va Jon Terri esa Smitning yordamchilariga aylanadi.
Qo‘shimcha qilamizki, Shekspir 2016 yilda "Lester" liga chempioni bo‘lganida Klaudio Ranyeri shtabida bo‘lgan, so‘ngra italiyalik murabbiy iste’foga chiqarilganidan keyin bosh murabbiy bo‘lib ishlagan.