Xabaringiz bor, Superliganing 5-turida “Andijon” Farg‘onada “Neftchi”ga qarshi vodiy derbisida 0:2 hisobida imkoniyatni boy berdi.

"Andijon"ning tojikistonlik legioneri Axtam Nazarov esa bunday shiddatkor derbida ilk bor ishtirok etdi va u o‘zining taassurotlari bilan o‘rtoqlashdi.

“Neftchi”ga qarshi o‘yin haqida aytishim mumkinki, tezkor gollar bellashuv taqdirini hal qildi. Bizda ham gol kiritish uchun yaxshi vaziyatlar bo‘lgandi. Ammo ularning posboni jamoasi joniga aro kira oldi. “Neftchi”ni g‘alaba bilan tabriklayman.

Derbida har doim o‘zgacha muhit hukmron bo‘ladi. O‘z-o‘zidan bunday bellashuvlar qiziqarli o‘tadi. Bizni qo‘llab-quvvatlaganlari uchun muxlislarga minnatdorchilik bildirib qolaman. Xudo xohlasa, g‘alabalarimiz hali oldinda”, - dedi Nazarov.