"Real Madrid" himoyachisi David Alaba klubning La Ligadagi o‘yini haqidagi savolga javob berdi, shuningdek, jamoadoshi Federiko Valverde va "Vilyarreal" yarim himoyachisi Aleks Baena o‘rtasidagi mojaro haqida gapirdi.
"Siz har doim ligada g‘alaba qozonishni xohlaysiz, biz oxirigacha kurashishda davom etamiz va qolgan har bir o‘yinda g‘alaba qozonishga harakat qilamiz.
Valverde bilan vaziyat qanday? Biz hammamiz uni qo‘llab-quvvatlaymiz, u bor e’tiborini ertangi o‘yinga qaratgan va men boshqa hech narsa deya olmayman", - dedi Alaba Football Espana bilan suhbatda.
Eslatib o‘tamiz, Valverde "Vilyarreal" 3:2 hisobida g‘alaba qozongan Ispaniya chempionatining 28-tur uchrashuvidan so‘ng avtoturargohda Baenaning yuziga zarba bergan edi. Ma’lum bo‘lishicha, Aleks o‘yin davomida Federikoning oilasini haqorat qilgan, biroq Baena ayblovlarni rad etib, voqea yuzasidan polisiyaga murojaat qilgan.
