"Реал Мадрид" ҳимоячиси Давид Алаба клубнинг Ла Лигадаги ўйини ҳақидаги саволга жавоб берди, шунингдек, жамоадоши Федерико Вальверде ва "Вильярреал" ярим ҳимоячиси Алекс Баэна ўртасидаги можаро ҳақида гапирди.

"Сиз ҳар доим лигада ғалаба қозонишни хоҳлайсиз, биз охиригача курашишда давом этамиз ва қолган ҳар бир ўйинда ғалаба қозонишга ҳаракат қиламиз.

Вальверде билан вазият қандай? Биз ҳаммамиз уни қўллаб-қувватлаймиз, у бор эътиборини эртанги ўйинга қаратган ва мен бошқа ҳеч нарса дея олмайман", - деди Алаба Football Espana билан суҳбатда.

Эслатиб ўтамиз, Вальверде "Вильярреал" 3:2 ҳисобида ғалаба қозонган Испания чемпионатининг 28-тур учрашувидан сўнг автотураргоҳда Баэнанинг юзига зарба берган эди. Маълум бўлишича, Алекс ўйин давомида Федериконинг оиласини ҳақорат қилган, бироқ Баэна айбловларни рад этиб, воқеа юзасидан полицияга мурожаат қилган.