«Manchester Siti» himoyachisi Jon Stouns «Bavariya»ga qarshi (3:0) Yevropa Chempionlar Ligasi chorak finalidagi bahsning «eng yaxshi o‘yinchisi» deb topildi.
Bu UYEFA rasmiy sayti orqali e’lon qilindi. Uchrashuv yakunida futbolchiga esdalik statuetkasi topshirildi.
Eslatib o‘tamiz, uchrashuvda gollarga «shaharliklar»ning uchta futbolchisi - Rodri Ernandes, Erling Xoland va Bernardu Silva mualliflik qilgan.
Myunxendagi javob o‘yini roppa-rosa bir haftadan so‘ng - 19 aprel kuni bo‘lib o‘tadi.