«Манчестер Сити» ҳимоячиси Жон Стоунс «Бавария»га қарши (3:0) Европа Чемпионлар Лигаси чорак финалидаги баҳснинг «энг яхши ўйинчиси» деб топилди.
Бу УЕФА расмий сайти орқали эълон қилинди. Учрашув якунида футболчига эсдалик статуэткаси топширилди.
Эслатиб ўтамиз, учрашувда голларга «шаҳарликлар»нинг учта футболчиси - Родри Эрнандес, Эрлинг Холанд ва Бернарду Силва муаллифлик қилган.
Мюнхендаги жавоб ўйини роппа-роса бир ҳафтадан сўнг - 19 апрель куни бўлиб ўтади.