Frankfurtning «Ayntraxt» klubi o‘zining rasmiy saytida yaponiyalik yarim himoyachi Daichi Kamada jamoani tark etganini e’lon qildi.
26 yoshli yaponiyalik futbolchi 2017 yilning yozidan buyon olti yil davomida Bundesliga klubi o‘yinchisi bo‘ldi, biroq bu safar u klub bilan shartnomasini uzaytirmaslikka va erkin agent sifatida ketishga qaror qildi.
Joriy mavsumda yaponiyalik barcha musobaqalarda «burgutlar» safida 38 ta o‘yinda 13 ta gol urishga muvaffaq bo‘ldi.
Futbolchiga da’vogarlar doirasi juda keng. So‘nggi xabarlarga ko‘ra, yaponiyalikka Ispaniyaning top-klublari «Barselona» va «Atletiko» qiziqish bildirmoqda.