Fabrisio Romanoning so‘zlariga ko‘ra, "Lion" yarim himoyachisi Ussem Auar faoliyatini "Roma"da davom ettirishi mumkin.
Manbaning xabariga ko‘ra, rimliklar allaqachon futbolchi bilan bevosita muzokaralar olib borishmoqda. 24 yoshli yarim himoyachining "Lion" bilan shartnomasi mavsum oxirida yakuniga yetadi. Qolaversa, Germaniyaning "Ayntraxt" klubi ham Auarga da’vogarlik qilmoqda.
Joriy mavsumda Auar klub safida barcha turnirlarda 14 ta o‘yin o‘tkazdi, bitta gol va bitta golli uzatmani amalga oshirdi. Transfermarkt portali uning narxini 15 million yevroga baholamoqda.
