Фабрицио Романонинг сўзларига кўра, "Лион" ярим ҳимоячиси Уссем Ауар фаолиятини "Рома"да давом эттириши мумкин.
Манбанинг хабарига кўра, римликлар аллақачон футболчи билан бевосита музокаралар олиб боришмоқда. 24 ёшли ярим ҳимоячининг "Лион" билан шартномаси мавсум охирида якунига етади. Қолаверса, Германиянинг "Айнтрахт" клуби ҳам Ауарга даъвогарлик қилмоқда.
Жорий мавсумда Ауар клуб сафида барча турнирларда 14 та ўйин ўтказди, битта гол ва битта голли узатмани амалга оширди. Transfermarkt портали унинг нархини 15 миллион еврога баҳоламоқда.