“Yuventus” darvozaboni Voysex Shchesni Yevropa ligasi chorak finalida “Sporting”ga qarshi o‘yinning birinchi bo‘limi oxirida ko‘krak qafasidagi og‘riq tufayli almashtirildi.

44-daqiqada Shchesni o‘rniga Mattia Perin maydonga tushdi. Polshalik darvozabon maydonni yig‘lab tark etdi. "Sporting" matbuot xizmati ijtimoiy tarmoqlarda darvozabonni qo‘llab-quvvatladi.

Joriy mavsumda Shchesni turinliklar safida barcha turnirlar doirasida 30 ta o‘yinda maydonga tushib, 28 ta gol o‘tkazib yuborgan va 16 marta o‘z darvozasi daxlsizligini saqlab qolgan.