“Ювентус” дарвозабони Войцех Шчесни Европа лигаси чорак финалида “Спортинг”га қарши ўйиннинг биринчи бўлими охирида кўкрак қафасидаги оғриқ туфайли алмаштирилди.

44-дақиқада Шчесни ўрнига Маттиа Перин майдонга тушди. Польшалик дарвозабон майдонни йиғлаб тарк этди. "Спортинг" матбуот хизмати ижтимоий тармоқларда дарвозабонни қўллаб-қувватлади.

Жорий мавсумда Шчесни туринликлар сафида барча турнирлар доирасида 30 та ўйинда майдонга тушиб, 28 та гол ўтказиб юборган ва 16 марта ўз дарвозаси дахлсизлигини сақлаб қолган.