«Barselona» yarim himoyachisi va sardori Serxio Buskets hali jamoa bilan shartnomasini yangilagani yo‘q, chunki klub uning bu yerda o‘ynashni davom ettirishni xohlayotganiga shubha qilmoqda, deb xabar beradi Mundo Deportivo.
Manbaga ko‘ra, Lionel Messining qaytishi vaziyatga ta’sir qilishi mumkin. Ularning munosabatlari yaxshi, shuning uchun Buskets argentinalik bilan qolib, bu yerda o‘ynashni xohlashi mumkin.
Ispaniyalik futbolchining «Barselona» bilan shartnomasi 2023 yilning iyunida yakuniga yetadi. Avvalroq, Kataloniya klubi unga maoshi 75 foizga - yiliga 30 milliondan 7-8 million yevrogacha qisqarishi mumkinligini xabar qilgan.
32 yoshli futbolchi «Barselona» tarbiyalanuvchisi va hozirgi sardori hisoblanadi. U 2005 yildan buyon klub tarkibida faoliyat yuritib kelmoqda va shundan buyon asosiy tarkibda 715 ta o‘yin o‘tkazib, bu ko‘rsatkich bo‘yicha yetakchilardan biri bo‘ldi.
