"Arsenal" sardori Martin Edegor "Vest Xem"ga qarshi o‘yinda qo‘ldan boy berilgan g‘alabani (2:2) tushuntirishga harakat qildi.
Ikkita tezkor gol urgandan so‘ng, "Arsenal" raqibini o‘yinga qayishiga imkon yaratdi va natijada tayyor g‘alabani qo‘ldan chiqardi.
"Bu o‘tgan haftaga o‘xshaydi. Boshida biz juda yaxshi o‘ynadik, biz hamma narsani nazorat qildik va o‘yin biz xohlagandek bo‘ldi. Keyin biz buni qilishni to‘xtatdik.
Biz raqibga o‘yinni o‘zlari xohlagan tarzda o‘zgartirishga imkon berdik. Biz ularga deyarli "o‘lganlari"da umid berdik. Bu bizning aybimiz.
Biz to‘p bilan juda ko‘p ahmoqona ishlarni qila boshladik, ularga uzoqdan zarbalar yo‘llashga imkon berdik. Biz ularga o‘zlarining kuchli tomonlarini ishlatishga imkon berdik.
Biz bu muammoga aylanib qolmasligiga ishonch hosil qilishimiz kerak. Eng muhimi - keyingi o‘yin", - dedi Edegor Sky Sports bilan suhbatda.
