"Bavariya" yarim himoyachisi Rayan Gravenberxga "Arsenal", "Liverpul" va "Manchester Yunayted" qiziqish bildirmoqda, deya xabar beradi Santi Auna.

Manba bergan xabarga ko‘ra, 20 yoshli yarim himoyachi yaqin orada o‘z kelajagi borasida bir qarorga kelishni rejalashtirgan. U ko‘proq o‘yin amaliyotiga ega bo‘lishni xohlaydi.

Gravenberx o‘tgan yozda "Ayaks"dan "Bavariya"ga o‘tgan edi. U klub safida barcha musobaqalarda 27 ta o‘yinda maydonga tushib, 1 ta gol urdi va 1 ta golli uzatmani amalga oshirdi. Transfermarkt portali uning narxini 30 million yevroga baholamoqda.