"Milan" bosh murabbiyi Stefano Pioli "Real"dan ijaraga olingan "rossonerilar" yarim himoyachisi Braim Diasning kelajagi haqida fikr bildirdi.
“Albatta, keyingi yillarda Braim bilan ishlashni davom ettirishdan juda xursand bo‘lardim. U o‘z mahoratini ancha oshirdi va haqiqatdan ham bizning asosiy o‘yinchimizga aylandi", - deya Pioli so‘zlarini keltiradi jurnalist Fabrisio Romano.
23 yoshli ispaniyalik uchinchi mavsumdirki, milanliklar safida ijara asosida to‘p surmoqda. Italiya klubi uni dastlab 2020 yilda ijaraga olgan, keyin esa shartnomani joriy mavsum oxirigacha uzaytirgandi. Umumiy hisobda Dias “Milan” safida 114 ta o‘yin o‘tkazib, 17 ta gol va 11 ta golli uzatmani amalga oshirgan.













