"Милан" бош мураббийи Стефано Пиоли "Реал"дан ижарага олинган "россонерилар" ярим ҳимоячиси Браим Диаснинг келажаги ҳақида фикр билдирди.

“Албатта, кейинги йилларда Браим билан ишлашни давом эттиришдан жуда хурсанд бўлардим. У ўз маҳоратини анча оширди ва ҳақиқатдан ҳам бизнинг асосий ўйинчимизга айланди", - дея Пиоли сўзларини келтиради журналист Фабрицио Романо.

23 ёшли испаниялик учинчи мавсумдирки, миланликлар сафида ижара асосида тўп сурмоқда. Италия клуби уни дастлаб 2020 йилда ижарага олган, кейин эса шартномани жорий мавсум охиригача узайтирганди. Умумий ҳисобда Диас “Милан” сафида 114 та ўйин ўтказиб, 17 та гол ва 11 та голли узатмани амалга оширган.