"Leypsig" yarim himoyachisi Konrad Laymer iyul oyidan boshlab "Bavariya"da o‘ynaydi.
Avstriyalik futbolchi va Myunxen klubi o‘rtasidagi dastlabki kelishuv anchadan beri ma’lum bo‘lgan. 25 yoshli futbolchi erkin agent sifatida Myunxen klubi safiga o‘tadi. Taniqli insayder Florian Pletterbergning yangilangan hisobotiga ko‘ra, Laymer kelishuvni yakunlash uchun tibbiy ko‘rikning ikkala bosqichidan ham o‘tgan, tomonlar barcha shartlar bo‘yicha to‘liq kelishib olgan. Eslatib o‘tamiz, yarim himoyachi to‘rt yilga mo‘ljallangan shartnomaga qo‘l qo‘yadi.
Joriy mavsumda Konrad Laymer “Leypsig” safida 21 ta o‘yinda maydonga tushib, 2 ta gol va bitta golli uzatmaga mualliflik qilgan.













