“Barselona”ning umumiy guruhidagi mashg‘ulotlarini avvalroq jarohat olgan uch nafar yarim himoyachi tikladi.

Usmon Dembele, Pedri va Frenki de Yong dushanba kuni jamoa bilan mashg‘ulotlarning bir qismini olib borishdi.

Fransiyalik futbolchi La Liga doirasidagi "Jirona"ga qarshi o‘yinda son suyagidan olgan jarohati sabab 28 yanvardan beri maydonga tushmayapti.

Pedri esa oxirgi marta 16 fevral kuni Yevropa ligasi doirasida "Manchester Yunayted"ga qarshi o‘ynagandi. U tizzasidan olgan jarohati tufayli o‘yinni yakunlay olmadi, bir oy o‘tib esa yana jarohat takrorlandi.

De Yong ham xuddi shunday jarohat tufayli 19 mart kuni “Real”ga qarshi o‘yindan beri maydonga tushmadi.

"Barselona"ning navbatdagi o‘yini 23 aprel kuni "Atletiko"ga qarshi ligada bo‘lib o‘tadi.