“Барселона”нинг умумий гуруҳидаги машғулотларини аввалроқ жароҳат олган уч нафар ярим ҳимоячи тиклади.
Усмон Дембеле, Педри ва Френки де Йонг душанба куни жамоа билан машғулотларнинг бир қисмини олиб боришди.
Франциялик футболчи Ла Лига доирасидаги "Жирона"га қарши ўйинда сон суягидан олган жароҳати сабаб 28 январдан бери майдонга тушмаяпти.
Педри эса охирги марта 16 февраль куни Европа лигаси доирасида "Манчестер Юнайтед"га қарши ўйнаганди. У тиззасидан олган жароҳати туфайли ўйинни якунлай олмади, бир ой ўтиб эса яна жароҳат такрорланди.
Де Йонг ҳам худди шундай жароҳат туфайли 19 март куни “Реал”га қарши ўйиндан бери майдонга тушмади.
"Барселона"нинг навбатдаги ўйини 23 апрель куни "Атлетико"га қарши лигада бўлиб ўтади.