«Манчестер Сити» ва «Лилль» ярим ҳимоячи Айюб Буадди трансфери бўйича келишувга эришди.

RMC Sport журналисти Фабрис Хокинс маълумотига кўра, «шаҳарликлар» 18 ёшли Марокаш терма жамоаси футболчиси учун бонусларни ҳисобга олган ҳолда 100 миллион евро тўлайди. Фабрицио Романо ҳам клублар ўртасида келишувга эришилганини тасдиқлади.

Буадди «Манчестер Сити» билан шахсий шартнома шартларини аввалроқ келишиб олган эди. «Лилль» ҳам футболчининг трансферига розилик берган ва энди у Англия клубига қўшилиши кутилмоқда.

Битим «Лилль» тарихидаги энг қиммат сотувга айланади. «Манчестер Сити» эса ёзги трансфер ойнасида ярим ҳимоя чизиғини кучайтириш бўйича фаол иш олиб бормоқда.

Буадди ўтган мавсум Лига 1да 30 та учрашув ўтказиб, 1 та голли узатмани амалга оширган. Шунингдек, у 7 та сариқ ва 1 та қизил карточка олган.

18 ёшли футболчи ЖЧ-2026да Марокаш терма жамоаси сафида 5 та учрашувда майдонга тушган.