"Arsenal" vingeri Reyss Nelson faoliyatini Italiya A seriyasida davom ettirishi mumkin.
23 yoshli futbolchi mavsum yakunlanganidan so‘ng erkin agentga aylanishi kutilmoqda, chunki u hali "kanonirlar" bilan yangi shartnoma borasida kelishmagan.
"Arsenal" Nelsonni tekinga qo‘yib yuborishni istamaydi, shu sababli ular boshqa klublar allaqachon qiziqish bildirgan futbolchini sotib yuborishi mumkin. Jurnalist Marko Konterio xabariga ko‘ra, “Roma” va “Atalanta” vakillari futbolchi bilan bog‘lanib, inglizni iyul oyida o‘z safiga jalb etishni rejalashtirgan.
Reyss Nelson joriy mavsumda “Arsenal” safida 12 ta o‘yinda 3 ta gol urdi va 3 ta golli uzatmani amalga oshirdi.
