"Арсенал" вингери Рейсс Нельсон фаолиятини Италия А сериясида давом эттириши мумкин.
23 ёшли футболчи мавсум якунланганидан сўнг эркин агентга айланиши кутилмоқда, чунки у ҳали "канонирлар" билан янги шартнома борасида келишмаган.
"Арсенал" Нельсонни текинга қўйиб юборишни истамайди, шу сабабли улар бошқа клублар аллақачон қизиқиш билдирган футболчини сотиб юбориши мумкин. Журналист Марко Контерио хабарига кўра, “Рома” ва “Аталанта” вакиллари футболчи билан боғланиб, инглизни июль ойида ўз сафига жалб этишни режалаштирган.
Рейсс Нельсон жорий мавсумда “Арсенал” сафида 12 та ўйинда 3 та гол урди ва 3 та голли узатмани амалга оширди.
