"Milan" bosh murabbiyi Stefano Pioli "Napoli"ga qarshi Chempionlar ligasi 1/4 final javob o‘yini oldidan matbuot anjumanida o‘z fikrlarini bildirib o‘tdi. Dastlabki o‘yinda “rossonerilar” o‘z maydonida 1:0 hisobida zafar quchgandi.

"Ustunlikni qanday saqlab qolish haqida o‘ylash xato bo‘lardi, chunki bu minimal reja. "Napoli" bu mavsumda o‘rtacha 3-4 gol urmoqda. Biz jamoa bo‘lib futbol o‘ynashimiz va to‘pdan yaxshi foydalanishimiz kerak. Oldingi o‘yinlarda jamoalarning har biri himoyada raqibiga muammo tug‘dirmoqda, kim o‘z imkoniyatlaridan unumli foydalansa, g‘alaba qozonadi, har ikki jamoa ham imkoniyat yaratishga qodir.

Bu so‘nggi bir necha kun ichidagi uchinchi uchrashuv bo‘ladi. Raqibimizda qanday fazilatlar borligini juda yaxshi bilamiz. "Napoli" kuchli va jismoniy jihatdan kuchli jamoaga ega. Lekin bizning o‘z o‘yin uslubimiz bor. Biz "Napoli"ga qarshi oldingi o‘yinlarni tahlil qilib, qayerda yaxshilanishimiz va qayerda sekinlashishimiz kerakligini aniq tushunishimiz kerak", - dedi Pioli UYEFA rasmiy saytiga.