"Милан" бош мураббийи Стефано Пиоли "Наполи"га қарши Чемпионлар лигаси 1/4 финал жавоб ўйини олдидан матбуот анжуманида ўз фикрларини билдириб ўтди. Дастлабки ўйинда “россонерилар” ўз майдонида 1:0 ҳисобида зафар қучганди.
"Устунликни қандай сақлаб қолиш ҳақида ўйлаш хато бўларди, чунки бу минимал режа. "Наполи" бу мавсумда ўртача 3-4 гол урмоқда. Биз жамоа бўлиб футбол ўйнашимиз ва тўпдан яхши фойдаланишимиз керак. Олдинги ўйинларда жамоаларнинг ҳар бири ҳимояда рақибига муаммо туғдирмоқда, ким ўз имкониятларидан унумли фойдаланса, ғалаба қозонади, ҳар икки жамоа ҳам имконият яратишга қодир.
Бу сўнгги бир неча кун ичидаги учинчи учрашув бўлади. Рақибимизда қандай фазилатлар борлигини жуда яхши биламиз. "Наполи" кучли ва жисмоний жиҳатдан кучли жамоага эга. Лекин бизнинг ўз ўйин услубимиз бор. Биз "Наполи"га қарши олдинги ўйинларни таҳлил қилиб, қаерда яхшиланишимиз ва қаерда секинлашишимиз кераклигини аниқ тушунишимиз керак", - деди Пиоли УЕФА расмий сайтига.
