Myunxenning “Bavariya” klubi joriy mavsum yakunida hujumchi Sadio Mane bilan xayrlashmoqchi. Senegallik futbolchi Chempionlar ligasi 1/4 finalida "Manchester Siti"ga qarshi o‘yinda mag‘lub bo‘lganidan keyin Leroy Sane bilan janjallashgani uchun sotilishi kutilmoqda.
Oldinroq afrikalik futbolchi "Liverpul"ga qaytishni xohlayotgani haqida xabar berilgandi, biroq mersisaydliklar klubi futbolchini qaytarishdan manfaatdor emas. Bu haqda Bayern & Germany xabar berdi.
Mane o‘tgan yozda "Bavariya" safiga qo‘shilgandi. Tomonlar o‘rtasidagi amaldagi shartnoma muddati 2025 yilning o‘rtalarigacha hisoblangan. Uning transfer narxi 45 million yevro.