Мюнхеннинг “Бавария” клуби жорий мавсум якунида ҳужумчи Садио Мане билан хайрлашмоқчи. Сенегаллик футболчи Чемпионлар лигаси 1/4 финалида "Манчестер Сити"га қарши ўйинда мағлуб бўлганидан кейин Лерой Сане билан жанжаллашгани учун сотилиши кутилмоқда.
Олдинроқ африкалик футболчи "Ливерпуль"га қайтишни хоҳлаётгани ҳақида хабар берилганди, бироқ мерсисайдликлар клуби футболчини қайтаришдан манфаатдор эмас. Бу ҳақда Bayern & Germany хабар берди.
Мане ўтган ёзда "Бавария" сафига қўшилганди. Томонлар ўртасидаги амалдаги шартнома муддати 2025 йилнинг ўрталаригача ҳисобланган. Унинг трансфер нархи 45 миллион евро.