"Manchester Siti" bosh murabbiyi Xosep Gvardiola Angliya Premyer-ligasida Londonning "Arsenal" jamoasi bilan chempionlik poygasi haqida gapirib, "kanonirlar" bilan uchrashuv bu mavsum chempionlik uchun kurash borasida hal qiluvchi ahamiyatga ega bo‘lishini aytdi.
“Bu bizga yanada ko‘proq final o‘ynash imkonini beradigan final bo‘ladi. Agar bu o‘yinda mag‘lub bo‘lsak, chempionlik poygasi tugaydi. "Arsenal" bilan o‘yinga yaqinlashish va ularga qarshi kurashda imkoniyatlarga ega bo‘lish uchun hozir turgan pozisiyamizni mustahkamlash biz uchun muhim edi. Biz bu qiyin bo‘lishini tushunamiz, lekin avval Chempionlar ligasi va Angliya kubogining yarim finalida o‘ynashimiz kerak", - deya Gvardiolaning so‘zlarini keltiradi Daily Mail.
"Arsenal" 31 turdan keyin 74 ochko bilan APL peshqadamlik qilmoqda. “Manchester Siti” hisobida 70 ochko va bitta zaxira o‘yini bor. 26 aprel kuni ular chempionatda o‘zaro bahs olib borishadi.
