"Манчестер Сити" бош мураббийи Хосеп Гвардиола Англия Премьер-лигасида Лондоннинг "Арсенал" жамоаси билан чемпионлик пойгаси ҳақида гапириб, "канонирлар" билан учрашув бу мавсум чемпионлик учун кураш борасида ҳал қилувчи аҳамиятга эга бўлишини айтди.
“Бу бизга янада кўпроқ финал ўйнаш имконини берадиган финал бўлади. Агар бу ўйинда мағлуб бўлсак, чемпионлик пойгаси тугайди. "Арсенал" билан ўйинга яқинлашиш ва уларга қарши курашда имкониятларга эга бўлиш учун ҳозир турган позициямизни мустаҳкамлаш биз учун муҳим эди. Биз бу қийин бўлишини тушунамиз, лекин аввал Чемпионлар лигаси ва Англия кубогининг ярим финалида ўйнашимиз керак", - дея Гвардиоланинг сўзларини келтиради Daily Mail.
"Арсенал" 31 турдан кейин 74 очко билан АПЛ пешқадамлик қилмоқда. “Манчестер Сити” ҳисобида 70 очко ва битта захира ўйини бор. 26 апрель куни улар чемпионатда ўзаро баҳс олиб боришади.
