"Manchester Siti" yarim himoyachisi Ilkay Gyundogan "Barselona"ga o‘tish uchun yillik maoshini qisqartirishga tayyor. Insayder Toni Xuanmartining so‘zlariga ko‘ra, nemis allaqachon maoshini kamaytirishga rozi bo‘lgan.
Gyundogan yozda "Barselona"ga tekinga o‘tishi mumkin, chunki futbolchining "Manchester Siti" bilan shartnomasi tugaydi.
Ayni damda Gyundogan "Manchester Siti"da yiliga sakkiz million yevrodan ortiq maosh oladi. "Barselona"da bu ko‘rsatkich sezilarli darajada kamroq bo‘ladi.
Ilkay bu mavsumda Premyer-ligada 4 ta gol urdi va 3 ta golli uzatmani amalga oshirdi.
