"Манчестер Сити" ярим ҳимоячиси Илкай Гюндоган "Барселона"га ўтиш учун йиллик маошини қисқартиришга тайёр. Инсайдер Тони Хуанмартининг сўзларига кўра, немис аллақачон маошини камайтиришга рози бўлган.
Гюндоган ёзда "Барселона"га текинга ўтиши мумкин, чунки футболчининг "Манчестер Сити" билан шартномаси тугайди.
Айни дамда Гюндоган "Манчестер Сити"да йилига саккиз миллион евродан ортиқ маош олади. "Барселона"да бу кўрсаткич сезиларли даражада камроқ бўлади.
Илкай бу мавсумда Премьер-лигада 4 та гол урди ва 3 та голли узатмани амалга оширди.