Yulian Nagelsmanning keyingi klubi "Chelsi" bo‘lishi mumkin. Taniqli jurnalist Florian Plettenberg germaniyalik mutaxassisning London klubi rahbarlari bilan uchrashuvi haqidagi ma’lumotni tasdiqladi.
“Muzokaralar juda ijobiy bo‘ldi. Ammo barcha tomonlarning tezkor qarori kutilmaydi. Nagelsmann loyihaga 100 foiz ishonch hosil qilishni istaydi”, — deb yozdi Plettenberg ijtimoiy tarmoqda.
Eslatib o‘tamiz, yaqinda Yulian Nagelsmann "Bavariya"dan haydalgan edi. "Chelsi"ga kelsak, londonliklar yaqinda Grem Potterni iste’foga chiqardi.
