«Milan» Chempionlar Ligasi yarim finaliga chiqdi, hatto Viktor Osimxenning safga qaytishi ham neapolliklarga yordam bermadi - nigeriyalik gol urdi, ammo bu endi jamoasiga yordam bera olmadi, chunki goldan so‘ng deyarli darhol hakam hushtagi yangradi.
«Milan» bosh murabbiyi Stefano Piolining fikricha, uning jamoasi dahshatli Osimxenni yopa olgan.
«Maydonda Osimxen borligi uchun biroz pastroqqa o‘tib himoyalanishga qaror qildik va to‘pni raqibga berdik.
Bu hamma uchun katta qurbonlik bo‘ldi, ammo natija shundan keldi», - dedi Pioli.
«Milan» yarim finalda «Inter» - «Benfika» uchrashuvi g‘olibi bilan to‘qnash keladi.
